麥玲玲邀上市公司老闆大談遇「變態老闆」經歷。
堪輿學家麥玲玲與兩位 J2ers黃紫恩（Jojo）、蔡景行（行仔）主持的清談節目《玲玲友情報》，前晚（27日）一集主題是「老闆唔係咁樣做」，請來有「好老闆」之稱的上市公司主席陳洪楷做嘉賓，分享打工時遇過的變態老闆。陳洪楷擔提供當「好老闆」的秘訣︰「唔好掛住淨係自己搵錢，唔識派錢。」笑言「派錢」是對員工最好的鼓勵。
節目中，陳洪楷憶起當年任職地產代理時，遇過最經典的老闆，他笑說︰「第一日200人見工，面試時老闆扮飲醉狂鬧人，好快得番30人返工。我好佩服呢位地產老闆，用短短幾分鐘就篩走170人，節省面試工序。第一日返工，老闆帶住嗰30名職員去名店試衫，令佢哋受盡白眼，又罰未達標嘅員工掛住『我係廢柴』牌企喺皇后大道中，徹底磨滅員工自尊心。我可以捱到最後，係因為我真係冇面嘅。不過，我連天花板級侮辱都頂得住，將來出去搵生意嘅面懵程一定冇呢單嘢咁犀利，咁有咩難到我？」
amJetso 送BIODERMA救星小紅瓶🩷護膚恩物 立即按此參加👇
