容祖兒紅館個唱舉行得如火如荼，因為昨天休息關係，祖兒決定賣大包，於前日第14場邀來農夫及張智霖(Chilam)上台。另外，與歌迷合唱環節，祖兒與細佬容逸恆一同對唱，十分開心。
農夫率先上台大放笑彈及不停向觀眾道歉，令祖兒笑到來不及反應。C君說：「我作為你嘉賓，要同全場觀眾負責，好想講一聲 ：『對唔住，好抱歉』，你諗下，大家之前睇個啲張學友、劉德華、古天樂，跟住今(前)晚係農夫！你話點算呢真係！你諗下一齊食飯，你朋友問，你個晚邊個嘉賓 ，人地話張學友，你話農夫，幾難聽，兩個垃圾。」陸永續說︰「容祖兒你點解咁對歌迷，你簡直係荼毒香港樂壇，你開演唱會開成咁，咁大製作，叫人地以後點開演唱會？睇過呢個騷，重點睇其他騷？ 」三人先後合唱《刻不容緩》及《舉高雙手》後，便到Chilam接力上台。
祖兒在台上自爆與Chilam的秘密︰「我地係同居關係！哈哈！不過，同居，不同層！我地住同一大廈，見得佢最多係停車場，同電梯，同舞台真係第一次！好多謝Chilam，佢拍緊賀歲片，請幾個鐘假來支持我，重攜眷出席，老婆靚靚都來埋睇騷！真係多謝佢一家。」
入App免費換走健康產品
