阿Sa和張繼聰在賀歲片《祥賭必贏》合演夫事。(娛樂組攝)
由張繼聰、蔡卓妍(阿Sa)、邱士縉(Stanley)、吳家忻(Kayan9896)和朱栢康(朱康)昨晚齊齊現身將軍澳，為羅耀輝執導的賀歲片《祥賭必贏》宣傳，謝安琪帶同萌爆女兒Kakaball 特地來支持阿聰，3人連環派心，溫馨又sweet。獲愛妻和女兒撑場，阿聰大爆：「因為呢度有好多夾公仔機，佢主要係想一石二鳥，表面上係支持爸爸，另外也支持下夾公仔老闆，嗰啲店舖都幾開心呀。」
阿聰與阿Sa合演夫妻，阿聰自爆連麻雀都不太懂，阿Sa則認識各種賭博玩意，可說是團隊中的「賭后」，兩人笑言全劇組演員都是搞笑能手，拍得非常開心。對於Stanley大爆她和容祖兒(Joey)都對朱康心心眼，阿聰率先和應，「阿Sa係話朱康同劉謙係同一個程度嘅靚仔。」阿Sa直認不諱，靚仔有好多種，我覺得他是靚仔，我同Joey有傾過這問題，她覺得朱康眼神好不羈！」
張繼聰忍不住哈哈大笑，「我都為兄弟開心，成隊朱凌凌(朱康、阿卵等)終於同時代品味接軌，我見過有女生對白只心心眼。」阿聰更大爆朱凌凌準備推出新碟，他打趣道，「最勁係佢地從來無退出過，但你覺得佢地消失咗，佢地仲喺度，只不過忙於殺人分屍，阿Sa聞言立即自薦做MV女主角：「諗起都面紅呀！」阿聰聞言即表示可為他們執導MV，阿Sa害羞得要用咪牌遮臉，問到可會加插親熱戲時，阿Sa就笑指，「咁又太過份！」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
