阿Sa指，由於將要到馬來西亞拍攝電影，所以今年農曆新年會留港。
蔡卓妍(阿Sa)於「2019澳門國際電影節」及「澳門國際電視節」頒獎禮中，分別憑電影《非分熟女》及網劇《PTU機動部隊》奪得最佳女主角獎項，老闆楊受成昨晚特別舉行慶功宴，多位藝人出席，阿Sa指會繼續努力，即將與阿嬌(鍾欣潼)合體，於馬來西亞逗留多月拍攝電影。
阿Sa帶同兩個獎座到場，雖然得獎已一個月，但她表示期間沒有慶祝，「今晚咪慶祝囉，大家都高興，心意知道就得，好耐都未試過咁多人。」阿Sa得獎後繼續努力工作，更透露將會到馬來西亞拍攝網劇，「預計都會好好玩，因為有阿嬌、關智斌、Jeana(何佩瑜)，都幾期待。同埋個劇本係我覺得係近年自己睇過咁多劇本入面，最好睇嘅一個，好期待，會stay喺馬來西亞幾個月。」問到農曆新年如何度過，「會去老闆屋企賭錢，年年都一定要，以往斬獲都幾高、幾多㗎，老闆開心我哋開心。」
祖兒要刮痧出火
容祖兒上周六順利完成《LOVE IN MACAU容祖兒音樂會》，不過原來開騷當日上晝她的喉嚨突然劇痛，「好彩我哋真係『藥箱都變成首飾箱』，有好多藥喺度，即刻啪咗粒喉嚨痛、發炎、感冒嗰啲(藥)，頂到，呢兩日去咗針灸放血同埋刮痧，而家兩隻手都刮出咗啲火，所以應該會好啲㗎啦。」至於早前的膝頭勞損傷患，祖兒表示仍處於康復狀態，「我跳完舞要即刻敷冰，敷完冰又要浸返熱水，令到佢血液循環，同埋盡量喺演出以外遠離高踭鞋，唔好太大嘅work load。」
容祖兒年初一便正式展開歐洲巡迴演唱會，首站是美國拉斯維加斯，向來跟她形影不離的母親，則留港湊其弟的BB。
入App免費拎荷花BB展入場券
