「第2小隊」Ian、Jer、Stanley和Tiger於尖沙咀倒數。
MIRROR昨晚(31日)大除夕兵分三路分別在澳門、尖沙咀和沙田出席倒數活動，其中「第二小隊」陳卓賢(Ian)、柳應廷(Jer)、邱士縉(Stanley)和邱傲然(Tiger) 聯同Marf@COLLAR及加拿大二人組合Crash Adams，齊齊於尖沙咀海旁演唱，一起，欣賞煙花兼開心倒數，Jer與Stanley更投入地扮指揮放煙花，童心未泯。Ian、Jer、Stanley及Tiger除了合唱充滿冬日氣氛的《12》，Ian及Jer亦分別演繹了個人作品《Thank You Postman》及《月居人》，之後他們又與Crash Adams合唱《Rumours》，將現場氣氛推至高峰。
分享新年願望
來到新一年，眾人都分享了他們的心情，其中Tiger說：「好喜慶，因為呢個新年可以同大家一齊度過係好開心同幸福，至於新年願望，係任何工作都冇任歡迎，好好裝備自己，希望迎接新挑戰。」Ian亦表示：「今次係難得嘅機會，一齊迎接2025年嘅來臨。希望自己都身體健康，另外希望巡唱順利。」Jer則透露自己病了，他道：「希望大家身體健康，因為我今日都感冒，希望大家飲多啲暖水，著多啲衫，同埋多啲工作，開多啲show，其實唱live好開心，因為可以同觀眾近距離接觸互動，希望嚟緊下（今）年會有Show。」至於Stanley因為被Jer介紹而獲得Crash Adams賞識，所以他的願望十分特別，他道：「Crash Adams好欣賞我嘅rap，仲誠意邀請我同佢crossover，到時Ian、Jer同Tiger可以扮路人，因為佢哋會影一啲人拒絕咗佢哋先嘅，佢哋就做嗰啲，咁跟住我OK，就我嚟Rap，所以我要先學咗個rap先，另外當然希望拍電影，有咩都拍！」
Jer化老妝 父母難接受
Jer在新歌《沒終點的青春》MV化身「柳伯」，首次化老妝的他在昨日在社交平台多謝「變老實驗」，他回應：「幾開心，俾好珍惜或好愛自己的人，預先見到自己變老，我覺得係幾幸福嘅事，希望MV或這首歌可提醒大家珍惜身邊人，多抽時間與他們相處。」問到初次見到自己老妝的感受時，他直言起初也不太接受，而旁邊的Stanley即抵死反問：「有化老嗎？平時都落妝都係咁樣！」Jer自言不化妝出鏡也可以，他認真表示，「都幾感觸，見到老咗嘅自己，唔知到時仲會唔會表演緊。(有沒有給家人看？)有，佢哋都接受唔到個仔老過自己。」Stanley就指著Jer的頭頂說，「我覺得真實度差啲，頭髮冇理由咁長，應該秃咗。」Stanley有份參與的《無用的謊言》現正播出，他指暫時戲份不多，下星期會佔戲較重，「大家開始睇厭姜濤，下星期輪到我同193。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
