Ian透露拍新歌MV共吃了5-6個蘋果，笑言吃蘋果夠健康。
陳卓賢Ian於情人節推出新歌《留一天與你喘息》，他在早前開live是分享，已表示歌曲所指的「你」不一定是情人，也可以是一班朋友或至親家人，原來當初Ian作曲的靈感源自從小湊大他、非常愛鍚他的外婆，他今日接受商台節目《叱咤樂壇》謝茜嘉訪問時，罕有地分享小時候與婆婆的生活點滴。
相隔半年出歌好緊張
已有半年沒有推出新歌的Ian坦言心情緊張，因為Hellosss(陳卓賢粉絲暱稱)都滿懷期待，擔心大家有期望落差，幸好反應理想，他才放下心頭大口，至於問他自己可感焦急？他坦言，「一時時，有時都想寫好嘅作品快啲畀大家聽，但有陣時覺得順其自然啦，所有嘢都有最好安排，專心做自己手頭上嘅OK。其他嘢唔到自己管理範圍。」
難忘與外婆食碗仔翅 Ian：感覺好暖
兩年前Ian曾於情人節推出《正式開始》，今次再於情人節出歌，原已選定另一首情歌派台，但後來後來覺得《留一天與你喘息》的溫暖感覺也頗適合，Ian透露當初創作靈感是圍繞親情，「超初純粹想寫隻溫暖啲有溫度嘅歌，真係唔係講感情，反而係想講親情，思念一位親人，有一份思念。」問他當時可有想著誰來寫？「當初係諗住婆婆而寫，佢有聽呢隻歌，但冇同佢講寫呢隻歌係諗住佢。」Ian更分享兒時與外婆相處點滴，「由細到大都係婆婆湊大，返學放學去學跆拳道，都係婆婆湊我去，好深刻畫面，每次學完跆拳道都係婆婆接我走，佢好錫我好縱我，我話想食嘢就買畀我，所以細個好肥。我哋會一齊去買碗仔翅返屋企食，感覺好暖。那時我好矮，婆婆較高，我會搭住佢膊頭，佢而家都成日講，話我那時常常壓住佢，好唔舒服，而家就咁高喇。」兩婆孫感情要好，現已長大的Ian不只搭住外婆一齊行，更會攬住外婆，「好似半攬住咁，佢就攬住我條腰。」
自創仿日文demo
在節目中，更首播了Ian「日文」的《留一天與你喘息》demo，Ian自爆只是扮日文唱歌，他表示，填詞人Oscar(李文曦)也巧合地想起另一首日文歌，「首歌講兩個人存在，世界令大家變得不知所措，你就係嗰份曙光，令我可以繼續向前行，於是我哋討論，如果可以兩個人又好、自己又好、一班人又好，可能喺好唔安穩之下，但有呢班人或一個人或自己另一個心態陪伴底下，就算呢啲嘢發生都唔緊要。我特登同Oscar提過，重點係兩個人相處，唔需要做任何嘢；知道對方存在喺自己世界，已經好安心。」Ian又預告，已有幾首自家創作的歌曲，計劃於4月推出全新情歌。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
