23條立法｜謝偉俊下架FB專頁 檢視過往帖文免被借題發揮｜Ray Online
基本法23條完成立法，選委界立法會議員謝偉俊竟然主動將Facebook個人專頁暫時落架，會審視以前發表嘅帖文會唔會太尖銳，甚至引起煽動嘅聯想，坦言係擔心以前發表有關「小紅書治港」等等嘅言論會畀人借題發揮呀。
謝偉俊前排喺特首答問會上關注政府高壓執法，令部分香港市民覺得係「親小紅書，而遠香港市民」。特首李家超當時就直言謝偉俊用詞危險，更加形容令佢聯想2019年「黑暴」嘅軟對抗字眼。本身係執業律師嘅謝偉俊就話正因為上次經歷，決定謹慎檢視Facebook專頁嘅字眼，好過畀人「驗屍咁驗」，甚至惡意舉報呀。
謝偉俊指非散播恐慌
謝偉俊又解釋喺23條立法之前上載嘅帖文，一旦讀者繼續睇到或者下載，可能會被視為持續發佈內容。佢強調審查專頁嘅目的唔係為咗散播恐慌，作為律師更加要審慎處理，至於一般市民就「因人而異」，或者要各自檢討喎。
amJetso送太興鮮臘腸 👇立即按此參加
