DSE 2024｜鄧炳強食早餐用腸仔雞蛋勉勵考生，表示「唔理放榜幾多分，人生都可100分。」(鄧炳強fb圖)
中學文憑試(DSE)2024明日(16號)就會放榜，相信唔少考生一定心情緊張。保安局局長鄧炳強今日(16日)喺社交網站發文，仲貼咗張佢食早餐時腸仔配雙雞蛋嘅相片，寓意每位考生都可以攞到100分喎。佢仲勉勵DSE考生話「唔理放榜幾多分，人生都可100分。」
保安局局長鄧炳強。(鄧炳強fb圖)
籲放鬆心情迎接 祝考生前程似錦
鄧炳強話，考試一定會有高分同低分，高分值得慶祝，但低分都唔代表人生失敗，挫折亦可以造就100分嘅人生。
佢勉勵DSE考生要要放眼未來，仲話「人生路上總有成敗得失，好與壞都係豐富人生嘅體驗」。佢仲希望考生今晚可以好好休息，放鬆心情迎接明天放榜嘅日子，並且祝願各位考生前程似錦。
