「亞視暖男」黃守東邀「最索經理人」林寶玉獻出第一次，幫長者搬梳化
農曆新年已經過去，不過唔少家庭都仍然需要大掃除。「亞視暖男」、新民黨黃守東邀請亞視「最索經理人」林寶玉獻出第一次，幫灣仔區獨居長者搬梳化。
灣仔軒尼詩關愛隊前排收到區內獨居婆婆求助，話冇辦法自己棄置屋企嘅殘舊梳化。關愛隊成員黃守東親自上陣之外，仲特別邀請當年喺亞視嘅最佳拍檔、「最索經理人」林寶玉，以關愛隊義工身份，一齊上門幫婆婆搬走舊梳化。
有婆婆稱林寶玉是「契女」
林寶玉形容今次係人生嘅「第一次」，事關佢自己搬屋都有請搬屋公司代勞，從來未試過自己搬傢俬。但今次收到黃守東出聲邀請，一定要支持佢，亦認同幫助獨居長者好有意義，可以了解長者嘅生活需要。林寶玉已經多次出席關愛隊活動，最開心係區內嘅長者都好鍾意佢，更加有婆婆認佢做「契女」，令佢感受到社區內嘅人情味。黃守東就希望政府可以加強支援獨居長者，令長者更加感受社區嘅温暖，安享晚年。
入App免費換走健康產品
