Ray Online｜何敬康：與方力申變成共過患難好兄弟 拉大隊支持中山演唱會
為咗幫1個9歲泳手爭取參加分齡錦標賽，新民黨立法會議員何敬康同泳會創辦人方力申拍住上。何敬康話經過小泳手事件之後，同方力申由初相識變成共過患難嘅好兄弟，所以拉大隊去中山睇方力申嘅演唱會，形容係對兄弟嘅應有之義。
何敬康幫台上嘅方力申影咗好多靚相，再喺社交網站分享。佢大讚方力申喺中山嘅演出非常成功、狀態好好、現場氣氛一流，更有唔少嚟自香港嘅粉絲去場館同慶功宴地點追星，睇得出演唱會經濟一定係吸引遊客嘅方法之一。
提倡香港發展演唱會經濟
何敬康引述同場、熟悉演唱會行業嘅朋友話，除咗內地大灣區各地每逢周末大搞演唱會外。單喺上星期六當晚，喺澳門已經有起碼3位港台紅星，包括容祖兒、楊千嬅、劉若英開演唱會，為澳門帶嚟大量觀眾同關注度。而香港因為場地不足，當晚只有郭富城喺紅館開演唱會。何敬康對呢個現象有感而發，話人哋肥水不流外人田，香港偏偏連歌手都外流演出，外流消費。佢提倡香港大搞演唱會經濟，話會同政府聯同業界聯手諗辦法，唔好白白睇住香港寶貴嘅軟實力益唔到自己人。
amJetso送太興鮮臘腸 👇立即按此參加
