Ray Online｜何敬康化身「星級評述員」分析舉重項目 稱他上任後或令港隊出戰奧運
巴黎奧運仍然進行緊，尤其關注舉重項目嘅新民黨立法會議員何敬康化身「星級評述員」。佢話雖然冇港隊運動員出戰奧運舉重項目，但係自從佢出現之後，香港舉重界出現咗微妙嘅變化，將來或者可以見到港隊舉重運動員企喺奧運會舞台上喎。
何敬康拍片化身「星級評述員」康仔，見到佢坐喺類似電視台嘅錄影廠入面，背後有部電視機播放唔少佢玩舉重嘅片段。佢介紹呢個係省港澳《力王俱樂部》體育部特備節目，顧名思義會重點分析一啲力量為主嘅奧運項目。不過，港隊至今都冇舉重運動員出戰奧運，何敬康話其中一個原因一定係舉重健力總會多年嚟管理不善，包括被揭發剋扣運動員資助，運動員出賽資格上亦有好多爭拗，仲有多年嚟舉辦嘅比賽竟然少過奧運會，何敬康問「你話笑死唔笑死？」
指整頓後港隊或有機會出戰奧運
「康仔」充滿信心，話自從立法會議員何敬康出現、整頓舉重健力總會之後，未來港隊舉重運動員或者有機會出戰奧運。雖然港隊冇出戰舉重項目，國家隊就有幸出戰，何敬康就負責評述國家隊嘅背景同爭標機會。
amJetso送太興鮮臘腸 👇立即按此參加
