洪雯今日喺大會發言嗰時，唔小心將主席叫咗做「主人」。(資料圖片／蘇文傑攝)
繼立法會大會上個月經民聯梁美芬離奇將主席梁君彥叫錯咗做「主人」之後，今日(13日)大會再次上演呢一幕。話說本身母語係普通話嘅選委界洪雯，今日喺《2022年發展(城市規劃、土地及工程)(雜項修訂)條例草案》二讀期間用廣東話發言，不過就唔小心將代主席李慧琼叫咗做「主人」。李慧琼聽到之後即刻望住洪雯尷尬忍笑，而洪雯都即時吞啖口水再更正返做主席。
李慧琼聽到洪雯叫錯佢做「主人」之後，即刻笑笑口望住佢。(立法會直播截圖)
代主席李慧琼尷尬忍笑
洪雯嗰時究竟講乜緊？佢當時講到「……探索有香港特色嘅資本主義，一步步實現我哋嘅願景，主人……主席，本人謹此陳辭，支持條例草案。」有別於上次梁君彥冇反應，坐喺主席台的李慧琼聽到都忍唔住想笑，並繼續請下一位嘅地產及建造界龍漢標發言。
【限時激減】800 amFUN 2盒！1200 amFUN 4盒！
