公務員事務局推出歷史文化網上問答遊戲。(網站截圖)
公務員事務局為慶祝中國成立75周年，之前就推出「崢嶸歲月」普通話網上問答遊戲，當局今日就再推出一個「宅茲中國」歷史文化網上問答遊戲。10條問答題目會圍繞中國嘅官吏制度、歷史文物、天文地理同語言文字等唔同範疇，答題之後會即時顯示正確答案同解說。
談後宮佳麗唔同級別
有10條選擇題嘅問答遊戲分成食君之祿、帝王之家、國之重寶、天文地理同文字文學5個部分，考考參加者歷史文化，例如提到後宮佳麗有分唔同級別份位，問4個選擇之中邊個唔係漢代后妃嘅等級、邊座建築物見證咗皇家罕見嘅手足之情等，又問大家估唔估到蘇軾同韓愈兩個大文豪咩星座、掛住「傾銷」舖頭係提供咩服務等。
歷史文化網上問答遊戲今日開始去到下個月29號都有得玩，公務員事務局話歡迎市民參與，一齊探索華夏文明五千年嘅深厚文化同悠久歷史，大家不妨上去網站挑戰下自己。
amJetso送太興鮮臘腸 👇立即按此參加
