Ray Online｜新任體育專員同鄧竟成猜波 啟德體育園球場地底有玄機？(鍾式明攝)
啟德體育園青年運動場禮拜日將會舉行第一場測試賽，呢場足總乙組聯賽預計會吸引約1,000人入場。新任體育專員蔡健斌今日再次到訪青年運動場嘅草地，着住西裝同皮鞋嘅佢，仲即場同啟德體育園總監(策略發展)鄧竟成即場猜咗幾下波喎。
場地將收集雨水作灌溉
鄧竟成就話，足球場嘅草地係用珠海種嘅真草，早排分咗4日喺當地運嚟香港，日後如果有部分草地損傷，就可以切割一部分出嚟替換或者修補，維持場地使用效率高啲。草地下面更加有一個雨水收集系統，同大廈天台一齊收集雨水，再儲喺場館周邊嘅水缸，過濾咗之後就可以用嚟灌溉草地喇。
另外，啟德體育園好多範圍仲係地盤，鄧竟成話自己朝早喺寫字樓出發時，都要戴晒安全帽、着住反光衣先准喺入面行，戴埋副太陽眼鏡真係第一眼都認唔出佢。
amJetso送太興鮮臘腸 👇立即按此參加
