有性衝動去打羽毛球的教材「衝出國際」，《紐約時報》表示因本港教育局而有新流行說法。(資料圖片／林俊源攝)
教育局為中三公民、經濟與社會科(公經社科)設計嘅教材，列明學生需要學習拒絕婚前性行為，又話當面對異性有生理反應，可以離場去運動場打羽毛球。事件除咗引起香港市民熱烈討論，仲「衝出國際」，《紐約時報》同《韓國經濟日報》都有報道事件。
《紐約時報》喺英文版同中文網都有報道事件，標題係「避免早戀和性衝動？香港建議青少年打羽毛球」。報道形容香港青少年覺得件事好有趣，引述有人喺網上批評背後嘅官員頭腦不清。另外，報道仲話多得香港教育局，有新俚語流行，「我想和你一起打羽毛球」從此有咗新含義。《紐約時報》報道引述包括立法者同性教育者在內嘅批評人士話，香港呢塊中國領土上嘅新版性教育教材倒退。不過高層官員冇讓步，僵局變得有啲尷尬。
Ray Online｜有性衝動去打羽毛球教材「衝出國際」 紐約時報指因教育局有新流行說法
韓媒：邀請打波成為港版「Netflix and chill」
另一方面，《韓國經濟日報》都有報道事件，形容引起香港社會嘩然，網上有聲音質疑思維過時。報道內容同《紐約時報》嘅講法差唔多，引述網民講笑話，邀請人打羽毛球成為港版「Netflix and chill」，用比較婉轉嘅方式提出性暗示。
