林世雄懷疑一時計錯數，將西隧收費20%減幅講錯咗做25%。(陳奕釗攝)
政府收回西隧，正式實施過海隧道「633」嘅收費安排，今朝(2號)運輸及物流局局長林世雄亦親身去到西隧現場視察，但回答記者問到市民覺得西隧減價幅度未夠時，就一時之間計錯數，佢話西隧個收費「由75蚊，減到60蚊，已經係減咗相當嘅比例，即係25%架喇」，又解釋三隧調整收費最重要係三隧嘅收費比例，所以無論係「633」方案或者日後推行分時段收費時嘅「644」方案，都已全面審視同預測交通情況。
疑錯用分母減幅20%變25%
之不過有數口精嘅網民就發現，75蚊減到60蚊，明明就只係減咗20%，唔係局長講嘅25%，莫非局長報大數？讀書都有教「新數減舊數，除舊數」，正確嘅計法應該係60蚊減75蚊，減咗嘅15蚊，再除返「舊數」75蚊，減幅係20%至真。局長個計法，可能唔小心將「新數」做咗分母，變成15蚊除60蚊，就得出25%呢個減幅。Ray估計局長都係一時無心之失計錯數，唔會係有心呃大家嘅。
【限時激減】800 amFUN 2盒！1200 amFUN 4盒！
