Ray Online｜梁振英收網貸公司短訊 拒代還外傭欠款後遭出言恐嚇(資料圖片)
前特首梁振英今朝喺社交平台表示，自己收到網上貸款公司發來電話短訊，聲稱屋企外傭欠款幾千蚊要佢代還，梁振英拒絕後對方竟然出言恐嚇，隨即報警求助。
通話中，梁振英告知自己姓名，用粵語、普通話及英語進行對話後發現對方有濃厚星馬口音。之後透過「對話記錄」發現對方並非註冊公司，不過利息極高，借錢後實際只有一半到手，到期未還仲要「罰款」40% ，然後每日利息10%。
基於以上資料，佢相信今次係由外國人喺離岸非法操作，又表示香港無註冊公司同辦事處，佢哋都唔會將外傭告上法庭，只能用滋擾僱主的方式迫外傭還高利貸，又呼籲大家唔好姑息，騙徒只識得講粗口，如果遇到要即刻報警。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
