網上流傳一篇由「容海恩」發出嘅聲明，Eunice否認出自佢手筆。(資料圖片／陳奕釗攝)
警方國家安全處通緝8名身處海外、涉嫌違反《港區國安法》嘅人，包括時事評論員袁弓夷。佢嘅新抱、新民黨立法會議員容海恩(Eunice)噚日(24日)承認，佢同老公袁彌昌分別被帶到警署調查，今次事件暫時未影響到佢哋嘅關係。不過，今日(25日)網上就流傳一篇聲稱由容海恩刊登嘅聲明，提到唔排除會同袁彌昌離婚。
事件已進行刑事調查
嗰篇「聲明」提到，「本人容海恩」喺國之大義前提下，如果證實袁彌昌涉及危害國家安全行為，就唔排除會同佢結束婚姻關係，仲會循法律途徑爭取兩個女嘅撫養權。Ray見到即刻同Eunice求證，佢回覆Ray嘅時候話「這不是我寫的」，又話事件已經進行刑事調查，所以不便評論。
amJetso送太興鮮臘腸 👇立即按此參加
