Ray Online｜藝術品氣球天鵝進駐The Henderson 李家誠及徐子淇合影冀透過藝術重新定義辦公室
辦公室周不時都會放置藝術品，出自傑夫．昆斯（JEFF KOONS）手中嘅藝術品「氣球天鵝(紅色)」就進駐The Henderson。恒基兆業地產集團主席李家誠同老婆徐子淇同藝術品合照，話「氣球天鵝」嘅反光鏡面同曲線，完美呼應The Henderson流線型嘅形態，希望每一個走入大樓嘅人，都可以畀藝術作品包圍。
「氣球天鵝」藝術雕塑充滿奇幻色彩，非常之吸引眼球。李家誠同徐子淇一致覺得The Henderson係展示「氣球天鵝」嘅最理想地方，形容為The Henderson下定海神針，同時為香港嘅城市建築風貌帶嚟新景象。佢哋話The Henderson嘅所有藝術作品都經過精心設置，期望透過藝術重新定義辦公室概念。
佳士得之亞太區總部進駐The Henderson
The Henderson會陸續注入更多藝術養分，今個星期五（9月20日）率先有藝術同奢侈品拍賣行佳士得之亞太區總部進駐，即將舉行首場拍賣會，為連串精彩活動揭開序幕。
amJetso送太興鮮臘腸 👇立即按此參加
