Ray Online｜中通社前社長形容李家超「雷霆手段，菩薩心腸」 表現男兒本色(中通社相片)
適逢11月8號記者節，行政長官李家超會見啱啱卸任嘅香港中通社原社長王佳斌，王佳斌憶述同李家超嘅結識，更以「雷霆手段，菩薩心腸」描述對李家超嘅印象。王佳斌讚揚李家超有維護一國兩制嘅堅定信念，捍衛國家安全嘅鋼鐵意志，對抗敵對勢力同「黑暴」分子嘅堅毅果敢，表現出男兒本色同英雄氣概。而李家超對民生嘅殷殷關切、對家人嘅溫情真情、對朋友嘅熱心真摯，就堪稱菩薩心腸喎。
另外，王佳斌亦多謝李家超幾年嚟支持同關注中通社工作，佢話中通社將會一如既往、全力支持李家超同特區政府工作，相信李家超亦會繼續關心支援中通社事業發展。
Ray Online｜中通社前社長形容李家超「雷霆手段，菩薩心腸」 表現男兒本色(中通社相片)
李家超冀吸引新聞及文化人才
至於李家超就多謝王佳斌同中通社長期支持特區政府，佢亦高度評價中通社工作。李家超提到特區政府正銳意推動文化發展，令香港成為中外文化藝術交流中心。但係香港唔夠新聞同文化人才，就算香港而家表面平穩，但仍然存在破壞力量，需要經驗豐富、受到廣泛尊重嘅人，帶領大家更有底氣做好文化藝術文學工作，管控破壞力量。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
