唐英年(右)接受田北俊訪問(商台提供)
前政務司長唐英年認為，特首梁振英在政通人和上有不足，令社會欠和諧，他期望下屆特首在政通人和上做得更好。
自由黨榮譽主席田北俊為商台開咪主持節目《田式生活》，頭炮嘉賓為唐英年。唐英年表示，上屆參選特首落敗後，祝願當選的梁振英政通人和，因這是香港人的福祉，但他說，「佢(梁振英)似乎有不足之處，因為政又唔通、人又唔和，喺社會和諧上更加惡化咗。」
他強調自己並非幸災樂禍，而是相當失望，他指雖然梁振英在房屋、造地上相當積極，但這都是應做的事，他期望下屆特首在政通人和上能做得更好。
唐英年在節目中亦談及上屆敗選後感，承認落敗感到失望，但無特別「療傷」，「我都係開咗支靚酒，同家人嘆吓支靚酒，剝啲花生，睇吓新嘅行政長官點樣對付同泛民嘅敵我矛盾……」他又說，選舉落敗後與家人關係更團結、融洽，亦有更多時間打理家族業務，並令他看清誰在他不做官後，仍與他交朋友。
【限時激減】800 amFUN 2盒！1200 amFUN 4盒！
