屹立北角53年的新光戲院，終於在3月3日結業完成歷史使命，城巴隨即由周六(3月8日)起把兩個位於新光戲院附近的巴士站改名(Facebook群組「北角有樂」)
屹立北角53年的新光戲院，終於在3月3日結業完成歷史使命，城巴隨即由周六(3月8日)起把兩個位於新光戲院附近的巴士站改名，引發北角街坊及網民熱議，有人稱「始終都係覺得個站叫新光戲院會熟悉啲」。
城巴於周五(3月7日)發出兩張乘客通告，稱位於新光戲院的英皇道及書局街巴士站站名於周六更改，位於英皇道往東區海底隧道的「6字頭」巴士站，由「新光戲院，英皇道」改名「書局街，英皇道」。至於由英皇道左轉往北角碼頭總站的「新光戲院，書局街」站，改名為「馬寶道，書局街」。
於Facebook群組「北角有樂」，有網民討論消息指表示「新光戲院個站最終都係改左名做馬寶道，始終都係覺得個站叫新光戲院會熟悉啲…」，亦有人稱「咁佢又冇錯嘅。技術上新光戲院由3月4日開始，已經唔存在喇」，「北角大地標冇咗，唔知港鐵有冇改咗新光出口指示呢？」。新光戲院由本地教會Island ECC接手，預期將打造成開放式社區教會，有網民打趣道屆時站名會否再改名，「教會有名嫁嗎」、「第時叫耶穌仔站」。另有網民稱「大丸執笠咁多年大家坐小巴落車都叫慣大丸有落，新光戲院都好難改口」。
立即更新/下載AM730手機APP 體驗升級功能
