李家超日前落區探訪後，收到一間幼稚園師生嘅心意卡。(李家超FB)
新一份《施政報告》10月25日發表，特首李家超之前就住公眾諮詢，先後落區探訪市民同聽取意見，包括上月15號去荃灣。事隔一個月，今日(15號)李家超喺社交網站提到，當日經過福來邨錦全幼稚園時，喺學校門口同師生互動，形容活潑好動嘅小朋友令佢印象深刻。
李家超仲話，當時有鼓勵學生要努力學習，到最近更收到嚟自該幼稚園師生畫嘅心意卡，卡上唔同嘅祝福語更令佢感到心暖。根據心意卡嘅圖片，可見卡上畫有10個學生同兩個嘅成年人，分別祝福特首身體健康、喜樂平安、福杯滿溢、主恩常在同工作順利。不過Ray睇真啲，就覺得左邊嘅成年人就係李家超，大家又覺唔覺呢？
李家超(右三)上月在荃灣落區探訪。(李家超FB)
amJetso送太興鮮臘腸 👇立即按此參加
