李家超率領問責團隊接種流感疫苗。(李家超FB)
冬季流感高峰期即將嚟到，政府嘅流感疫苗接種計劃亦都喺今日(5日)展開，而特首李家超就趁第一日朝早，即刻同問責團隊一齊打流感針。由大合照所見，大部分司局長都在場，連因為右眼發炎成為「獨眼龍」嘅保安局局長鄧炳強都「帶病上陣」。不過，Ray睇合照就唔見好怕打針、每次打針都會成為焦點嘅民政及青年事務局局長麥美娟喇。
李家超呼籲市民盡早接種流感疫苗
李家超提到接種疫苗係預防季節性流感同埋併發症嘅最有效方法之一，可以減低因為流感而入院留醫同死亡嘅風險。佢提醒市民即將面臨解除口罩令後嘅首個冬季，特別呼籲高危群組盡早接種季節性流感疫苗，保護個人健康同埋生命安全。
amJetso送太興鮮臘腸 👇立即按此參加
