2022-11-15 12:40:22

網上熱話｜九巴上層座位驚見大量碎髮　網民：流動速剪有諗頭

在巴士上剪指甲已經十分擾人，但如果是剪頭髮，你又何作感想呢？有網民今日(15日)在Facebook群組「屯門公路塞車關注組」上載照片，只見在九巴巴士上層一排雙人座位及地下，散落一撮撮疑被剪下的頭髮。該網民笑稱「原來剪指甲呢啲而家已經係小兒科，DLXM喺巴士剪髮係咩玩法？」，其又謂「可能事主塞車塞到原地出家呢，可以關心吓大家心理健康，塞車都睇開啲唔好咁燥」。

網民：塞車塞到出家？

該貼文未有交代拍攝時間及巴士路綫，不過卻引來許多網民熱議，「好想睇嗰個人上車同落車，係唔唔同咗形象」、「到底要塞幾耐先剪完一個頭」、「九巴流動髮型車速剪，好有諗頭」、「屯公咁塞車，直頭染髮都得啦」。亦有人天馬行空猜想原因，「依家出去剪頭髮要針紙同安心出行，巴士唔使」、「趕住去出家？」、「可能係後面嗰個做嘅」。

不過，九巴乘客須知列明，請勿在車內作出令其他乘客感到煩擾的行為，例如高聲談話、剪指甲、用腳頂着前面椅背或將腳踏在座椅上等。