有網民日前在銅鑼灣發現有客貨車在電車軌上，尾隨一輛電車駛入電車站。(FB群組「馬路的事討論區」圖片)
本港電車其中一項特色，是大部分路段均與一般車輛共用，但電車站除外。有網民日前在銅鑼灣怡和街發現，有一輛白色客貨車尾隨一輛電車，往灣仔方向準備駛入近百德新街的電車站，遂拍低照片並到網上分享，「呢條路俾邊個行嘅？電車？Van仔？手推車？」
網民：識唔識車尾幾個字
從照片可見，有人正在推着手推車向電車的反方向，即北角方向在路面行走，而事主之後亦補充一句「睇黎(嚟)大家都好大壓力，差架單車就集齊一套」，不過似乎未被網民受落。不少留言都批評事主是否看不到客貨車為電車公司的後勤車輛，「識唔識貨van車尾幾個字吖哥哥仔」、「一睇就知，電車壞了，維修車到了」、「大佬呀，架van係電車公司工程車嚟架(㗎)。」
有網民亦指出手推車行馬路毋須大驚小怪，「手推車行下馬路咁普通既(嘅)野(嘢)都要批鬥」、「天時暑熱 派貨腳仔辛苦晒。」
