澳牛埋單港男驚覺銀包得廿蚊，員工6字回應勁窩心。(網上圖片)
位於佐敦的澳洲牛奶公司一直以「光速常餐」和店員「寸爆」服務態度而聞名。不過，有網民日前在Facebook群組「香港茶餐廳及美食關注組」發文，指自己到澳牛食早餐，獲員工「好細心咁俾張圓櫈我擺背囊」。但吃完早餐，準備從銀包取出現金付款時，卻「發現銀包只有一張十蚊紙同神沙，夾埋唔夠廿蚊」。
網民：好有人情味
當意識到自己不夠錢付款時，他隨即感到十分緊張，更心想：「唔通今次要挑戰澳牛底線，雖然我知澳牛哥哥平時好細心好鐵漢柔情，但我今劑食完嘢無錢畀喎。」他糾結了幾分鐘後，只好「膽粗粗」上前，「諗住問下收銀阿姐收唔收Payme之類電子交易」。
但他謂，「我一開口講咗句唔好意思，阿姐已經叫我『得喇，去撳機喇』。」而相關職員，更未有要求他放下身分證或電話作抵押，「當刻真係即刻鬆一口氣，即去撳機。澳牛，真係好有人情味。」
相關帖文隨即引熱議，有網民指「我唔覺得佢哋無禮貌，而且對老人家、大肚婆同細路特別好」、「其實澳牛啲人好好㗎，只係佢哋最唔鍾意就係慢」、「我都試過無現金喺身，阿姐都係叫轉頭返嚟俾錢啦」、「上次唔記得帶銀包，好彩個收銀姨姨問年青伙記有冇現金，然後叫我PayMe畀伙記」。
amJetso送太興鮮臘腸 👇立即按此參加
