@fb 屯門友圖片
突然生病不少人都會選擇去屋企附近的診所，俾多少少錢都想盡快搞掂病情。近日網上有圖片流傳，可見有私家醫生診所擺出告示，指基本診費560元，大小同價；並籲「輕症患者，請考慮配舊藥，以節約時間費用」。
有關告示掀起熱議，有網民質疑病人自行斷症是否合宜，「要醫生黎做咩？要自己配藥？」、「藥唔可以亂食，唔係每次都得。」、「藥劑師已經搞掂晒」；亦有人認為基本診費收費高，「醫生搶錢，去配藥或返大陸看啦」、「560$，大小同價，以為自己是誰？」、「收得貴過養和醫院喎」。
街坊解畫
不過，同時有網民撐醫生指其明碼實價，亦有相信是平日有去診所求診的街坊解畫，圖中診所的醫生是夜診醫生，「收費合理，好多人睇的」，「醫生有講如果只是普通傷風感冒可以只配舊藥，自行定斷。」街坊又稱，該醫生「好細心，唔求其，藥物開得比其他醫生既好，希望寫好啲標題唔好引人誤會」；亦人指，「佢係好醫生，細心，而且人地明碼實價，寫明價錢，唔係打死狗講價，請問有咩問題？」
▼網民反應▼
立即更新/下載AM730手機APP 體驗升級功能
