司機發現遺留球鞋後，便以轉賬備註的方式聯繫到男子並詢問其身處地點。司機向男子轉賬1元並於備註表示「我係星群的士司機，今早你們遺留一對鞋在車，收到Message麻煩聯絡XXXXXXXX，謝謝」。
的士服務質素一直廣為乘客所詬病，但不是所有司機都是害群之馬，亦有良心司機是「業界清泉」。近日有網民發文，指搭的士時遺留一對波砵（足球鞋），司機發現後主動聯繫他，並特意從荃灣過海至黃竹坑送還，更拒絕事主支付車馬費，事主遂發文表揚，堅持過數之餘更公開其聯絡電話，「我希望呢個咁好嘅的士司機可以俾更加多人知」，網民均大讚「業界良心榜樣！」
司機表示「唔收錢」 事主堅持過數
據該名男事主在社交平台Threads描述，日前他於晚上搭的士時，不慎遺留一對波砵（足球鞋），由於當時他沒有現金，所以使用PayMe付車資，司機發現遺留球鞋後，便以轉賬備註的方式聯繫到男子並詢問其身處地點。照片顯示，司機向男子轉賬1元並於備註表示「我係星群的士司機，今早你們遺留一對鞋在車，收到Message麻煩聯絡XXXXXXXX，謝謝」。
男子收到消息後聯絡司機，告知對方自己即將在黃竹坑踢波，司機表示接更後會從荃灣「趕過嚟」送球鞋，還表明「仲話會快啲，驚我冇鞋着嚟踢波」，男子詢問司機「要幾錢」，「因為我對鞋其實都係四百幾蚊，如果太貴就算」，但司機表示「唔收錢」。
公開電話助對方谷生意 「佢X街喇應該飯都唔得閒食」
司機送還球鞋時，男子打算給司機200元報酬作為答謝，但對方「急急腳話唔洗，走咗去」，男子驚訝表示「係咪Halloween cosplay的士佬炸！」。為答謝的士司機熱心舉動，他在帖文中寫出司機的聯絡電話，表示「Call的士，搵佢！」，又稱「嚟緊一個月， 我唔會講任何的士司機壞話以表尊重。」及後事主再發文，稱已過數予對方，又稱「老實講對鞋好平，但呢件事俾我嘅深刻程度唔係對鞋嘅價值帶俾我，而係呢一份好似唔屬於呢一個香港嘅善良，對今時今日各家自掃門前雪嘅香港，帶到俾我而至各位脆友嘅温暖，都係一股陌生嘅衝擊。」對於有網民指他賣廣告，事主反擊「我依家話俾你聽我係，我就係希望呢個咁好嘅的士司機可以俾更加多人知」，又笑言對方應該生意大增，「今次佢X街喇，應該飯都唔得閒食」。
事件引起網民熱議，稱讚的士司機「業界良心榜樣」、「好人好事！」、「的士界KOL」、「該司機已列為受保護人類，AA級呵護」、「推到佢做到唔想做！」、「用PayMe傾偈真係好聰明」，有網民留言表示認識司機本人，讃其是非常好的人，並已將事件告知「相信佢受寵若驚」，亦有人批評事主公開對方電話，「你有冇問過司機係咪方便post個電話出嚟呀」、「post晒人哋啲個人資料出嚟咁好唔好㗎？」。
另有網民表示樓主運氣好，分享曾經遺落物品被的士司機索錢經歷，「So lucky，我試過漏電話係Uber，5分鐘內找到個司機，話過來畀返我，收我500（元）」、「上個月朋友返工遇到個的士佬，因佢唔小心跌左（咗）電話喺車，打左幾次個司機終於聽電話，叫朋友比（畀）夠1,000佢」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
