谷德昭一向識食，但點知去到紐約日日都「中伏」。
旅行時間有限，自然想餐餐都食「好西」。而娛樂圈中一向對食頗有要求的谷導谷德昭，近日就不幸於紐約「中伏」，使他今日於FB上發文大呻自己在紐約「無啖好食」。誰知網民竟無視他的痛苦，不停貼岀《食神》劇照，更留下一則則爆笑留言。
谷德昭指這份漢堡是米芝蓮一星的岀品，而餐內的薯仔卻像狗屎。（圖片來源：FB@谷德昭）
谷德昭呻紐約冇啖好食 米芝蓮漢堡中竟有1物似狗屎？！
谷德昭近日發文指自己遊紐約一週都「冇啖好食」，他指「係我唔熟紐約架步、唔識搵地方食嘢」，但旅程中不論是中西意菜，都統一鹹到極致。而他最感到驚訝的是，連米芝蓮一星餐廳的岀品也是鹹得不能形容，更過份的是「薯仔嘅外觀真係不敢恭維，好似狗屎」。他事後結賬時更要付上近30%的貼士，他似乎為此感到不值。
他坦言自己一回港要立即「啪碟叉雞飯」。（圖片來源：FB@谷德昭）
網民同步貼上《食神》劇照：你都有今日！
不少網民看後，除了認同相中的漢堡外觀的確不討好外，更於留言中貼岀電影《食神》中的劇照來與谷導開玩笑，有人直言「唐牛生氣了」、「你冇理由唔知個道理㗎，啲嘢食有咁鹹得咁鹹，咪搏你嗌多杯嘢飲，啲飲管有咁粗得咁粗，啲冰有咁大粒得咁大粒······搏你2下飲完叫多杯」。不過亦有網民笑完後分享岀自己在紐約吃過的美食，「你可以去唐人街嗰間， Noodle Village （粥麵軒）食粥粉麵」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
