美國近日受極地渦漩影響，多處出現零下30度超低溫，密歇根州一處果園中，農民喺稍微回溫後，去果園採收蘋果，竟發現「冰蘋果」掛滿樹枝嘅自然奇觀！
負責處理蘋果嘅密歇根州立大學畢業生Andrew Sietsema，日前喺Facebook分享冰蘋果照片，仲將蘋果命名為「鬼蘋果」(ghost apple)，佢解釋冰雨喺蘋果表面上形成晶亮冰殼，同時腐爛蘋果因溫度關係腐爛成果泥，Andrew相信係因為自己剪樹時，搖晃到樹木，令爛蘋果跌落地。不過，由於天氣未夠暖去溶化冰殼，所以有部分蘋果只得腐爛果蓉流出，剩低透明蘋果冰殼，形成充滿童話故事感覺嘅「鬼蘋果」，事件引起網上熱議。
立即更新/下載AM730手機APP 體驗升級功能
