2017-07-14 14:00:00

大熱星空蛋糕原來好易學！

中學畢業後，要重拾烘焙樂趣又想零失敗，
一定是到cooking studio上堂吧！
跟足步驟的話，失敗機會幾乎是零！
咁當然，整得靚唔靚就好睇有冇天份呢！

由前補習天王Calum開辦的小食堂(The Little Kitchen Cookery Studio)開業不足一年，已深受女生和一家大細歡迎。他們提供甜品、麵包、各國料理及咖啡拉花製作班，加上由靚仔導師Pak任教，因此特別受女生歡迎。Calum指：「我們會不斷推出新課程，希望大家可以製作屬於自己的美食。」好像最近大熱的星空蛋糕，面層鏡面看似複雜，在他們的細心教導下，其實可以好簡單！甜品製作班一般收費三百元起，亦可二人一組製作，適合情侶參與。你知啦！叫男朋友陪你去上堂整餅談何容易？兩個人一組傍實佢，𠱁佢陪你上堂都易啲嘛！
除了各式製作班外，小食堂亦提供廚房租借、拍攝場地租借及派對籌辦等，有不少準新娘都會和一班好姊妹book場玩番個下午！此外，假如錯過了某些課程而仍想報名，不妨問問Calum加班日期呢！