做朋友，好化學，易聚更易散。曾經在一間地獄級公司工作，認識了一班好朋友——每晚一齊通宵，去酒吧飲完酒再返公司做嘢，聚埋一齊就會咒罵老闆這個共同敵人。但這種關係卻隨著朋友一個又一個離職而沖淡。Chat Group由大時大節一兩句問候，變成永久沉底死group﹔由「聚會唔齊人」變成「唔會再聚會」。現在回頭看，當時那份友誼是「迫」出來的——一班人，日以繼夜夜以繼日被困在同一個辦公室，很容易成為好朋友，但囚犯放監後，關係便散了。這班臨時朋友，可能因為一場政治事件、一個辦公室、一次分手、一個project而聚起來，賞味期限一過，就沒有了。
做朋友，好講chemistry。身邊有幾個好朋友，我們之間完全沒有共同朋友，亦沒有共同興趣，每次都是一對一見面，交流的內容總是東一忽西一忽，想到甚麼便談甚麼，但每次都很期待見面一刻的交流。短訊中沒有Happy New Year Merry Christmas How are you Take care 等標準訊息，一字一句坦白直接到見骨﹔大時大節不會見，但總可以即晚約即晚見。見面都只是單調地喝一杯，時間不長不短，喝完傾完就有共識地說「差唔多啦，再傾！」
做朋友很化學，But friendship is all about chemistry!
文：Secret Tour Hong Kong負責人Stephen Chung
立即更新/下載AM730手機APP 體驗升級功能
