網上熱話｜灣仔兩餸飯奇招吸客 40蚊嘆放題3款任食 網民：終於夠飽
近年兩餸飯店大行其道，可以話係梗有一間喺左近，不過分量、味道以至價錢，就見仁見智。日前有網民路過一間位於灣仔的兩餸飯店，發現該店舖門外貼上告示，宣布出奇招吸客，引來大批網民熱議。
圖片來源：電影《飯戲攻心》劇照
灣仔兩餸飯奇招吸客
日前有網民在「香港兩餸飯關注組」發文，指經過灣仔一間兩餸飯店時，被門外的告示吸引，隨即影相發文，驚喜表示「今日諗住食個下午茶，行過見到呢間野又有新搞作」，更大讚店舖今次的諗法「幾好」。
圖片來源：Facebook@香港兩餸飯關注組
圖片來源：Facebook@香港兩餸飯關注組
40蚊嘆放題3款任食
發文者笑稱，「唔知個老闆細細個夢想係咪開放題，但係就開咗間三餸飯」，只因該店的告示寫明「堂食放題40蚊」，主力提供3款任食，包括「凍/熱奶茶任飲」、「素菜無限添加」，以及「白飯任裝」。
網民反應兩極
這間兩餸飯店的新搞作引來大批網民熱烈討論，不少網民大讚店舖有諗頭，「呢間睇黎終於夠飽」、「免素菜真好」、「抵喎，啱我呢個飯桶，搵日去幫襯」。惟亦有網民認為只是宣傳技倆，直斥「堂食座位好少，即係受惠人士有限」、「如果好多客時班阿姐得唔得閒幫你添食」、「素菜任添加，肉類免問」。
立即更新/下載AM730手機APP 體驗升級功能
