工作時間內多投緣也好，放工後也可能變成陌路人。(Unsplash圖片)
打工仔每日工作8、9個小時，見同事的時間分分鐘較家人、伴侶更長，不過即使在辦公室內多麼投契，很多人都希望收工後有自己的時間，不想放工後繼續「招呼」同事，遑論成為朋友。LIHKG討論區網民「新鮮士卒」日前發帖問「收工點避開同同事一齊走？」他表示，曾試過藉詞有約而着對方不用等其離開，惟最終不幸地在車上相遇，「仲要冇晒位坐咗我隔離(籬)」。他形容收工之後如果仍要對住同事，「同冇收工一樣」，又指放工後想靜一靜，反正上班已「對咗成日」。
有網民就表示，公司多年來傳統就是在升降機大堂解散，「開𨋢門到大堂就拜拜各自走，多年黎(嚟)共識」。有留言就稱雖然會組隊準時走，但離開公司後大家會當作不相識，「出到公司就算大家都係坐地(港)鐵都會兵分幾路走，唔好彩之後撘(搭)車撞到都會扮唔識。」
不過有人就覺得不用對同事太上心，「見到都唔洗特別理……如果岩(啱)傾就傾兩句囉。對同事咁上心做乜，可能人地都冇乜點在意你」。常言道職場無友誼，尤其有利益衝突的同事，未知你收工後又會否與同事一齊離開？
立即更新/下載AM730手機APP 體驗升級功能
