買家急上車冇樓睇照掃

出│手│夠│快

新界兩屋苑均錄「冇樓睇」成交，當中天水圍嘉湖山莊獲外區上車客斥510萬元入市。

中原地產文家輝指，上址為美湖居7座高層E室兩房，實用面積約441方呎，平均實用呎價約11,565元。因同類型放盤量稀少，故買家不介意無樓睇情況下入市。原業主2013年4月以約265萬元購入，現沽出帳面賺245萬元。

中原地產伍耀祖表示，嘉湖山莊本月交投較上月同期大減，因業主議價幅度有限。屋苑目前兩房入場價約485萬元，為美湖居低層F室，實用面積約441方呎。

租客303萬購屯門樓做業主
中原地產曾慧敬亦指，屯門麗寶大廈低層B室一房，實用面積約248方呎，原叫價350萬元，最後業主願減47萬元，買家於無樓睇情況下以303萬元承接，平均實用呎價約12,218元。買家租樓多時，見近期樓價回落至吸引水平，而且供平過租，遂加快置業上車。原業主2015年12月以約218萬元買入，持貨至今帳面獲利85萬元。

大家樂前主席首置購洋房
疫市下有名人願擲逾三千萬元買「磚頭」！據土地註冊處資料顯示，華懋旗下屯門琨崙藍彩鑽洋房單位5B以3,188萬元成交，登記買家與大家樂(341)前主席陳裕光同名，由於交易只需付樓價4.25%印花稅，即是他以首置身份入市。該單位實用面積約2,324方呎，連572方呎平台及180方呎天台。