南豐新邨低層兩房SSD鬆綁即沽 業主帳輸152萬｜二手蝕讓
鰂魚涌老牌屋苑南豐新邨最新錄得一宗二手蝕讓個案，業主入市剛好2年即沽貨，最終帳面損手152萬元離場。
利嘉閣地產康怡區逸樺園分行聯席董事吳玉蘭表示，南豐新邨10座低層B室，實用面積約391方呎，兩房間隔，外望翠綠園林景觀。業主原以590萬元放售，經議價後終以500萬元成交，累減90萬元或約15.3%，呎價約12,788元，屬合理水平。(即睇單位內櫳)
區內上車客承接
吳玉蘭透露，買家為區內上車客，一直心儀南豐新邨間隔四正實用，故在區內物色單位多時，早前經利嘉閣真盤源平台搵樓，見上述放盤即約代理睇樓，心儀單位附設裝修，間隔合用，加上屋苑地理位置靜中帶旺，徒步至港鐵太古站僅需數分鐘，附近生活配套齊全，睇樓後即大膽與業主議價承接。
據悉，原業主於2021年12月以約652萬元買入單位，持貨剛滿2年過額外印花稅(SSD)禁售期，帳面虧損152萬元，物業期內貶值約23.3%。吳玉蘭補充，該屋苑現有約116個放盤，最低入場費由500萬元起。
買家為區內上車客，一直心儀南豐新邨間隔四正實用，故在區內物色單位多時。(代理提供)
立即更新/下載AM730手機APP 體驗升級功能
