![將軍澳廣場套三房業主睇淡後市,持貨單位僅一年便沽貨,帳面損手138萬元退場。](https://cdn.am730.com.hk/s3fs-public/styles/article_image/public/2024-07/tkoplaza_0.jpg?itok=0Pdmj34g)
將軍澳廣場套三房業主睇淡後市,持貨單位僅一年便沽貨,帳面損手138萬元退場。
二手樓跌勢未止,將軍澳有業主淡睇後市,持貨三房單位僅一年,快速止蝕沽貨離場。利嘉閣地產將軍澳(坑口區)分區董事蔡庭勇表示,新近促成將軍澳廣場6座中層B室二手成交,單位實用面積730方呎,採三房連套房及工人房間隔,向東望開揚河景。
換樓客睇樓近3個月入市
新買家為換樓客,於將軍澳區內睇樓近3個月,鍾情將軍澳廣場戶型實用,屋苑周邊配套齊全,鄰近有多個大型商場,且附近有海濱長廊,衣食住行均非常方便。蔡庭勇稱,該買家睇樓上址後,對單位一見鍾情,心儀單位內櫳乾淨企理,居住環境舒適,而業主原叫價1,150萬元,最終累減80萬元,以1,070萬元承接,折合實用面積呎價約14,658元。
據了解,原業主於去年才以約1,208萬元購入物業,持貨只有1年,現沽出帳面虧蝕138萬元,蝕幅有11.4%。他補充,將軍澳廣場目前約有8個單位放賣,最低入場費由630萬元起。
即睇將軍澳廣場放盤(HOUSE730)