屯門業主睇好啟德區發展潛力，趁低吸納斥658萬元購啟德嘉匯一房海景戶。
二手樓價大幅回落，有業主止蝕沽貨「斬纜」，亦有業主趁低入市「增磅」。利嘉閣地產新啟德OASIS KAI TAK分行經理薛丁武稱，該行近日促成啟德嘉匯1座高層G室二手成交，單位實用面積372方呎，屬一房連開放式廚房間隔，座向南方，外望開揚維港海景。
買家兩個月走遍各區睇樓
據了解，上址單位原本開價720萬元放盤，早前獲屯門區業主垂青，睇中單位間隔方正實用，景觀怡人，遂於睇樓後火速決定出價洽購。薛丁武指出，該買家見二手樓價仍在調整中，計劃趁低吸納，近兩個月已走遍各區睇樓，北至上水粉嶺，南至鴨脷洲，最後選定啟德區，主要欣賞區內發展成熟，未來潛力無限，且由屋苑步行至港鐵啟德站僅需數分鐘，日常生活配套方便齊全。最後，買賣雙方經議價後累減62萬元，以658萬元成交，折合實用面積呎價17,688元。
據悉，原業主在2017年以約750.8萬元買入上述單位，持貨7年，現轉手帳面虧損約92.8萬元，期間貶值約12.3%，料實蝕逾百萬元離場。他補充，嘉匯目前約有83個單位放盤，最低入場費約由550萬元起。
即睇啟德嘉匯放盤(HOUSE730)
🎁 amJetso送全新Tempo掛牆式廚紙，立即開APP玩👇 👇
