何韻詩下月於科學園搞戶外活動,講到今次活動目的,她說︰「我成日覺得香港好少聚腳點,香港只有戲院或者商場,欠缺人與人之間溝通嘅聚腳點,所以希望透過文化活動同音樂,拉近大家嚟到現在,唔好擔心以後,唔好後悔以前,活在當下,我覺得咁樣比自己就咁做一個騷,更有意義,更好玩。」
提到日前她與容祖兒等人於日本合照,她說:「冇諗過明仔(黃耀明)會Post出嚟,以前可能會比較執著同會有顧慮,但大家都一把年紀,冇乜所謂啦!原來咁少野就可以集體地開心,既然大家見到張相咁開心,我都替大家開心啦!(可能粉絲覺得你哋好耐冇見面,所以畫面好震撼,其實大家關係如何?) 隨緣啦!我真係希望大家都過得好,係咪好感性呢,但係真!」