李家超早上和幾名香港經貿辦同事到當地一間港人經營的餐廳食越南菜。(李家超fb圖)
正出訪東盟嘅行政長官李家超今(1日)展開佢外訪行程嘅第5日。佢喺社交平台話，早上同幾個香港經貿辦嘅同事到當地一間港人經營嘅餐廳，了解佢哋推廣香港嘅工作情況，同時品嘗越南菜，佢更讚香港人做生意嘅「識路」同「食腦」喎。
歎越式牛肉河粉及紙米卷等
李家超指，餐廳老闆早年跟隨公司調職到越南，認識越南籍太太，婚後共同創業，至今已喺河內生活了15年，又分享創辦餐廳嘅經過及港人喺越南生活嘅情況，令佢感受到香港人做生意嘅「識路」同「食腦」。李家超話，隨著「一帶一路」建設帶嚟方便，會鼓勵佢哋繼續努力經營，期望有一日佢哋喺香港以及東盟各國開設分店。
佢又話，餐廳位處嘅建築物富有歷史特色，並為佢哋準備越南風味菜式，有越式牛肉河粉、紙米卷等，仲糅合越南同多國飲食文化嘅創意料理，令佢十分驚喜，又期待佢哋都可以讓越南朋友認識港式飲食文化。佢同團隊會喺東盟訪問行程繼續加油，講好香港故事，開拓商機。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
