火機開瓶：開酒不慎，潰散酒塞卡在瓶口內唔上唔落，用火機一烘或熱風筒一吹，瓶頸空氣遇熱膨脹，自然茅塞頓開。
牙籤取汁：調製凍飲少不了用檸檬汁吊味，快靚正方法是用牙籤刺洞，一篤一唧，搞定。
刮果妙著：奇異果剝皮招數見過不少，這一招亦好使好用。取用打蛋器或攪拌器的攪棒，壓向切半的奇異果一轉，肉隨攪棒上。
老一輩愛說「工夫會教人」，工多藝熟心靈手巧，自然悟出一套箇中學問。廚神唔易做，但學上幾招廚房絕技，雖屬花拳繡腿，既充得幾下，亦實用兼應急。Instagram帳戶@soyummy提供的法寶，如火機開瓶塞、極速刨粟米，偕可供煮婦煮夫一技傍身。
餅圈刨粟：下廚需要粟米粒時，大家多會用刀切削，更快捷又完整可用製曲奇的餅圈，套入粟米棒輕輕旋轉，粒粒皆輕鬆。
膠紙扯蓋：開瓶蓋可以是氣死人的苦差，尤其醬料果占乾了附在瓶口有如膠水黏到實。可用封箱膠紙黐著半個瓶蓋，順勢一扯；若先用熱水沖淋瓶口軟化糖分，更得心應手。
amJetso請食南記堂食一人牛乳火鍋 立即按此參加👇
