鄧炳強購買習近平新作。(鄧炳強FB)
一年一度嘅書展開鑼，書展原來係保安局長鄧炳強每年必去嘅節目。佢今日(18日)就喺社交平台話，就算電子書盛行，自己始終喜愛實體書嘅書香。由於今年保安局禁毒處亦喺書展設有攤位，結合電子遊戲同閱讀角，宣揚禁毒訊息，所以佢就身體力行到場支持。今年書展主題係影視文學，佢順道去買咗幾本香港地道故事書。
鄧炳強就特別買咗大熱嘅《繁花》同《九龍城寨簡史》；佢又話現場仲特設九龍城寨嘅模型，別具舊日情懷。適逢今日係二十屆三中全會閉幕，佢仲特別買咗尋日喺書展首發嘅習主席新書，進一步了解中國式現代化嘅理論體系同實踐要求，中華民族邁向偉大復興嘅理想，返去亦要鼓勵同事閱讀。
