Ray Online｜陳國基：團隊年輕人共同決定請姜濤表演 指若由他選擇會請老歌星
新一代年輕偶像姜濤早前壓軸出場，驚喜現身政府「共創明Teen」畢業禮。負責項目嘅政務司司長陳國基接受報章專訪解釋，佢當時提出邊個最好就請佢返嚟，於是團隊中嘅年輕人落咗共同結論，決定就係姜濤啦。陳國基笑指自己都係第一次睇姜濤表演，如果畀佢揀梗係會請老啲嘅歌星啦，不過大家覺得嗰啲out哂㗎啦！
希望學生分享看姜濤唱歌增加自信
陳國基又話考慮到參與計劃嘅基層學生，比較少機會睇現場演唱會，希望佢哋多一重人生體驗，可以同親友分享「我睇過姜濤唱歌啦！」，增加自信心。至於會唔會考慮再邀請姜濤呼籲市民喺區議會選舉投票，陳國基回應話「唔使次次都搵同一個歌星嘅！」
amJetso送太興鮮臘腸 👇立即按此參加
