創業又好，做生意又好，打工又好，通常都有團隊戰友一齊打拼。在人來人往的洪流中有機會合作就是有緣，有緣相遇有緣合作，亦會緣起緣落。
一位同事在面書帖上寫下他的心情，容我借他部分內容，他手寫我心。
「早幾年嘅我真係希望過，呢世都係呢班同事。成長，捱，再成長。然後每一年我地(哋)可以重温我哋過往每年嘅team飯相。
邊有可能？人各有志。而人各有志唔係壞事。思前想後，我唯有希望呢度可以做到喜馬拉雅山腰大本營，迎送一個又一個計劃爬上去嘅人。
互相幫助，plot下(吓)地圖，點算下(吓)裝備，傾下(吓)講下山腳嘅趣事，山峰嘅幻想，分享下攻頂嘅五次成功同二千次失敗，然後為每個人都繡上自家布章，做個留念，為往後路段打打氣。
攻過頂嘅朋友，期望佢會記得條路，再嚟坐坐，歇息一下。當然，呢個大本營亦會派出自家攻頂隊伍。到有日，物再是，人再非，甚至我同你都唔喺度嘅時候，但願敢衝敢試敢玩敢晒嘅精神長存」
創業有人為發達，有人為出名，若果自己有本事做到一番成績就當然為你高興，更多的情況是團隊的合作才能玉成其美，相信每一個人都為成功付出自己的一份。
作為領導者要肩負領頭的擔子，又要創新又要教育，更要凝聚團隊，成功後我更喜歡站在他們後面，看著團隊的成果開心的笑容，為他們的努力而驕傲。
最後，因版面調動關係，本欄會暫時休息，有緣再見。