一杯精心調配嘅珍奶，往往帶著沖調者的誠意及做人態度；由有故事的人泡出來的，就是背後有故事的珍奶，別具意義。好啦，扮完文青，Ray今次要介紹嘅係「圓圓小姐」嘅珍奶，用上坊間少見的天然花蜜茶底沖製，令珍奶充滿花果香同焦糖香！原來老闆娘Joanna(圓圖)之所以咁識貨用上花蜜茶葉，係因為佢由台灣嫁嚟香港後，飲唔返家鄉味道，於是返台灣讀書學泡茶、學揀茶葉，就係為了開舖沖珍奶，調配一杯自己喜歡嘅珍奶，就係呢份誠意先至會有好出品。
「圓圓小姐」頭兩間分店在深水埗(西九龍中心8樓80號)及銅鑼灣(利園山道11快樂大廈地下)，非常受歡迎，最近更進駐旺角，在山東街50號地下C號開第3間分店，大家行經就記得試下。介紹返，茶底由老闆娘精心調配，採用純天然茶葉，無香料香精。Ray個人推介有「花蜜紅茶」，採用斯里蘭卡同肯亞高海拔產區紅茶，精選超上等茶葉自然熟成，令茶香層次豐富，加上獨特嘅花果香同淡淡嘅焦糖香，有回甘、餘韻。至於「圓圓珍珠花蜜奶茶」、「戀戀草莓優格晶球」、「草莓鮮奶」及「百香鳳梨優格晶球」都係必試之選，一日試一款，都真係有排試！。
