屋企好細，世界很大
「世界很大」這句老掉牙的話，似乎不需要多談，誰都明白的吧。當我去年在加拿大溫哥華，探望太太屋企人時，面前的是幾個香港移民後代，廿幾三十的CBC，我好奇他們對香港的認識有多深。比較直接簡單的方法，就問問他們認不認識香港的藝人。
「MIRROR有沒有聽過？」「Nope.」嗯，這是近三兩年的，太新了，問一些有點資歷的吧。「Eason Chan你一定聽說過吧？華人圈中他算有名。」「Nope.」我很驚訝，再說一些大得冇得再大的名。「不會吧，Andy Lau呢？如果你是華人又不認識劉德華，應該是不可能的。」「Nope.」我接受不了，他們完全唔識四大天王。「Stephen Chow Sing Chi？佢國際上都有名㗎。」「Nope.」我想喊，周星馳都唔識，佢哋幾個CBC個阿爸係識講廣東話㗎！「We know…Ip Man!」葉問！原來他們近年認識的只有甄子丹。後來還數得出楊紫瓊，周潤發，還有大家最Expected的Jackie Chan。
你以為很多人在乎的事，即使只是在溫哥華，那裡的華人圈已經很大，面前的甚至是香港人後代，他們可以不屑一顧。你真正發現的，並不完全是「世界很大」，或者原來是「屋企好細」。你以為他們會知會Care，原來一踏出門口，鄰居跟你的世界都已經不一樣。
這次「香港藝人流行榜」事件，又令我醒起，真的，其他人沒你想像中那麼在乎你的事。你的事就是你的事。曾經有朋友父親離世，我自然地輕輕問候一句，其實我都不在乎，只是禮貌而已。因為那是別人的父親，不是誰的父親。你遇上難關時，除了屋企內的家人，很多時都會不問報答盡點力幫幫手，身邊朋友能夠跟你吃餐飯，埋個單，聽你訴個苦，已經算係咁。再有金錢瓜葛，很易連朋友都冇埋。很多事情都是這樣的。我成日同我太太講：「你修甲修得幾靚都好，我都一樣冇望過一眼，嘿。」除非你接受到，你Care的事只有你Care，千祈唔好Care埋人哋Care唔Care。