(註：今屆支持品牌客戶包括3M Hong Kong、第一電業、中原地產、幸福醫藥、現代教育、恒和化工、星晨旅遊、時天優質生活、星光實業、香港救助兒童會)
登登登櫈！新一屆廣告賣橋王盟主誕生，恭喜聖言中學參賽同學，經過激烈的比賽後，脫穎而出。由am730主辦、good morning CLASS協辦的第2屆「全港中學學界廣告賣橋王」頒獎典禮於上周六(5月20日)順利舉行。當日近300名入圍的參賽學生及老師出席，擠滿禮堂，場面墟冚，頒發了共122個獎項 (60 個品牌獎項+62個技術獎)，由於入圍師生事前不知道結果，所以氣氛緊張，獲知得獎均興奮不已。最後，統計各組得分最多的是聖言中學，成為第2屆賣橋王盟主。
不過更值得開心的是，據Ray所知，聖言中學為Nexcare 創作的廣告橋段被品牌商睇中，即將拍成真廣告，仲好快會出街，恭喜恭喜！
今屆比賽共有102間學校、207隊共800多名學生參加，打破上屆紀錄。比賽由去年11月底開始，參賽隊伍為各自抽中的品牌度橋策劃廣告，製作storyboard，再於今年3月下旬至4月初提案日向評審團做正式的presentation，將團隊的心水傑作盡情表現。正如盧社長在頒獎禮所講，贏人要先贏自己，得獎固然高興，就算落敗也已得到一次寶貴經驗，因為由17位來自廣告業界的精英人士擔任評審團，細心聆聽參賽者的presentation之餘，亦為同學們的作品給予專業意見，同學相信都有所得益。真心期望第3屆廣告賣橋王快些舉行。
今屆賣橋王盟主聖言中學參賽同學與老師合照