Exclusive又未必代表佢好貴，咁當然，Omakase(廚師發辦)本身都唔係平民料理。但比起坊間嘅日本餐廳，Lion Rock做緊每位$998已經算係冇咁貴，更何況每晚都係serve兩位嘅Omakase，係咪夠晒刁鑽先？
話明係廚師發辦，當然每次去都有驚喜。飛師傅會以每日新鮮空運到港嘅食材入饌，時令刺身蔬果，不時不食。壽司以米身較大、口感較煙韌的秋田米，加入師傅自己調製醋製作，無論飯嘅酸度同黏度都恰到好處。咁當然，新鮮嘅魚獲亦都加咗唔少分。由於每晚只係serve兩位，食材份量比較難控制。每次都係整得嗰少少，淨係調味同份量都有排試。所以喺呢個menu推出前，師傅都用咗大半年時間去設計菜式，誠意十足。
Lion Rock│九龍太子道西193號帝京酒店3樓│訂座：2622 6167