潮語之中，我們freelancer接觸得最多的算是「關公災難」。
公關事宜處理不當而引發的「關公災難」，多數客方/上級做了錯事，要公關公司/下屬或公關部補鑊……不過朋友前日就遇到由公關公司派出的「關公」！
話說日本人氣店舖開幕前搞了個傳媒pre-opening event，為某報撰寫時尚潮流稿的朋友C亦收到邀請，不過C遲到，抵埗時向駐守在門口接待處的公關職員表明來意，職員口黑面口地遞上「MEDIA」貼紙說：「放低卡片，唔該……入去嗰邊。」入到店舖，C自己一個人在店內蹓躂了好幾分鐘後，忽然有人叫住C，原來是「黑口黑面」的同事K小姐：「到咗喇？做乜喺度自己行嘅？有人『導賞』帶大家行喎……」好明顯，是「黑口黑面」沒有提過，而導賞亦差不多尾聲，K小姐連聲sorry，唯有自己帶着C匆匆走一圈。因為K還有其他事要在店內打點，所以C小姐自行告辭，離開時隨口問唯一駐守門口的那位「口黑面黑」公關職員：「請問呢度係幾樓？」「黑口黑面」竟然劈頭說：「你係邊個？」出名好脾氣的C有點火光，把身上的「MEDIA」貼紙撕下來，說：「我咪係記者囉，張貼紙係你畀我。」而「黑口黑面」想了不夠半秒就神回：「我唔知喎！」氣得C匆匆離開。
幾小時後K致電C：「嗨？你做乜唔攞我哋送畀你嘅紀念品？」好明顯，是「黑口黑面」沒有遞上……K再次sorry前sorry後說：「呢位同事只係返咗工三日……我寄番畀你呀！」我跟C說：「畀着我就同K講唔使客氣，係人都知嗰間舖頭出名平，貪嚟做乜？」C倒心平氣和地說：「算啦，無謂令K難做，我會照收，但我一樣有向K投訴。」其實如果不起喜歡笑面迎人，真的很難當公關，要扮「關公」不如轉行做粵劇罷啦。一男一女兩個資深副刊記者，N年前一齊下海撈散，從此不想再受公司制度束縛。
